Lyrics by Roy Gullane, melody by Balandrán
| Quite simply, a love song. But beware, sometimes the fates can conspire to throw all sorts of obstacles in the way, making the path of true love even rockier than it traditionally is. |
LYRICS:
The lousome sang o’ love’s a doolfu’ sang
Yet bonnie tirls the tune sae loud and lang
Wha maunie daur tae dream we dreamed sae rarely
Noo hallie beats the heart that beats its lane
Chorus:
She said for aye my heart is thine
bonnie laddie
But for aye’s a lang lang time
bonnie lassie
Whaur the bleeze has brunt and deid
hings a smeik that bleers the e’e
And noo for aye I’ll mind on she
bonnie lassie
Fell the mockrife hour that steired the daw’
That swippert brocht the day ca’d you awa’
Lang and dowf the stentless miles that daur us sinder
And waukrife a’ the nichts that we maun thole
Chorus
Aye kittle blaws our weird amang the stour
A knotless tinkler chiel that’s born tae scour
But no ane tick o’ time e’er wad I niffer
Nor smoor the mindin’ o’ my bonnie jo
Chorus
|
|