Bonnie lass sae dear tae me, ower the hills ayont the water,
Nane sae blin' that cannae see, she is my ain my dearie o.
Gin I had but one last day, in her airms I'd rowe sae rarely,
By her side fain wid I lay, till a' lifes cares gaed easy o.
Nae sea sae braid, nae bunemaist ben, nor ilka thraw that pairts us sairly,
Nae nicht sae lang could e'er forfen' I lie my lane my dearie o.
Here's tae the lass sae braw sae trig, here's tae the kindness gied sae
She wha kissed me neath the brig, she is my ane my dearie o.
Oh the rose amang the thorn, she's ta'en a heart that widnae flee,
And steired it oot amang the staurn; the bonnie lassie lo'es me.