TANNAHILL WEAVERS LYRICS glossary index live and in session tannahill weavers
Tranent Muir
Traditional arranged Tannahill Weavers
  

LYRICS: 

The chevalier being void o' fear did march doon Birsle Brae man
Through Tranent e'er he did stent as fast as he could gae man
While General Cope did taunt and mock wie many a loud hurrah man
E'er next morn proclaimed the cock we heard another craw man  

The brave Lochiel as I heard tell led Cameron on in cloods man
The morning fair and clear the air they loosed wie devilish thuds man
Doon guns they threw and swords they drew and soon did chase them aff man
On Seaton's crafts they burst their chafts and gart them run like daft man  

The bluff dragoons swore blood and oons they'd mak' the rebels run man
And yet they flee when them they see and winnae fire a gun man
They turned their backs the fit tae crack such terror siezed them a' man
Some wet their cheeks some fyled their breeks and some for fear did fa' man  

Smith made sic' haste sae spurred his beast 'twas little there he saw man
Tae Berwick rade and safely said the Scots were rebels a' man
O'er Soutra Hill ere he stood still afore he tasted meat man
Lang may he brag on his swift nag that bore him aff sae fleet man  

But Gardner brave did still behave like to a hero bright man
His courage true, like him were few, that still despised flight man
For king and laws and country's cause in honours bed did fa' man
His life but not his courage fled while he had breath tae draw man  

At yon thorn tree that you may see beneath the meadow mill man
There's many slain lie on the plain the clans pursuing still man
Sic' unco whacks and deadly hacks I never saw the likes man
Lost hands and heids cost them their deeds that fell near Preston Dyke man

 

glossary

index

source recording

copyright notice

tannahill weavers